Annað sem lítið hefur verið minnst á í þessari umræðu er að Magrahi hefur ávallt haldið fram sakleysi sínu og var dómurinn yfir honum afar umdeildur í Líbýu, en þó aðeins þar. 

Persónulega tek ég hattinn ofan fyrir dómsmálaráðherra Skota fyrir að veita Magrahi líknarlausn úr fangelsi, með því undirstrikar hann gildi og viðmið þjóðar sinnar sem og virðinug þeirra fyrir mannréttindum. Þetta er besta leiðin til þess að senda skýr skilaboð til umheimsins, mun máttugra en sprengjur í nafni lýðræðis eða pyntingar í nafni frelsis.

Hiroshima og Nagasaki - í lok árs 1945, rúmlega 220.000 manns.

Voru það ekki morð? Hvenær er fólk myrt í styrjöldum, hvenær fellur fólk í aðgerðum og verður óheppileg tölfræði? Hvers vegna vegur eitt dauðsfall þyngra en annað og hver hefur rétt til að ákvarða slíkt?

Þá væru ef til vill tugþúsungdir og mögulegu hundrað þúsundir Afgana og Íraka á lífi í dag að velta þessum kosningaúrslitum í Íran fyrir sér.

Svona kosningar geta breytt svo miklu

Eins og allir sem fylgjast með NBA vita voru Cleveland með besta árangurinn á tímabilinu og því með heimaleikjarétt gegn öllum liðum sem þeir mæta í úrslitakeppninni.

Þar af leiðandi voru tveir fyrstu leikir þessarar seríu að sjálfsögðu leiknir í borginni Cleveland en ekki spilavíta-borginni Atlanta.

Næstu tveir leikir verða hins vegar leiknir þar og verður spennandi að sjá hvort Atlanta takist nú ekki að vinna eins og einn leik.

Skrílslæti voru þó nokkur og ófáir menntskælingar á sopafylleríi, en rúm 90% sem þarna komu saman voru ekki með dólgslæti né létu illum látum. Barið var á trumbur og potta og hrópað: "Vanhæf ríkisstjórn". Það er sannanlega eitthvað sem flestir geta verið sammála um.

Svo krossbrá mér í morgun þegar ég las um slasaða lögreglumenn. Hvaða pakk það var sem ber ábyrgð á þessu þekki ég ekki, en þau hafa gert málstaðnum mikinn bjarnargreiða og vonandi tekst að hafa hendur í hári þessara aumingja sem halda að ofbeldi gegn lögreglunni greiði götuna að lýðræðislegu Nýju Íslandi. 

Til þeirra lögreglumanna sem slösuðust og aðstandenda vil ég biðjast afsökunar á framferði þessara einstaklinga og ítreka að langmestur meirihluti okkar ber virðingu fyrir þeirri stillingu sem lögreglan hefur sýnt undir því gífurlega álagi sem hún er nú undir. Ég vona að þessir lögregluþjónar fái skjótan og fullan bata.

Baráttukveðja...

Til gamans má nefna að nokkur hundruð manns fórust úr "SARS" veikinni svokölluðu og þá var heimurinn á nálum yfir mögulegum faraldri. Viðhorfið í Kína var hins vegar á þá leið að það létust fleiri á hverju ári úr venjulegu kvefi eða í slysum tengdum klósettferðum og þetta væri nú ekkert stórmál.

Ég las eitt sinn skemmtilega smásögu eftir kínverskan höfund sem var eitthvað á þessa leið:

Um fimmleytið var ég á leið heim úr vinnu og þurfti að fara yfir breiðstræti sem var átta akreinar á breidd í hvora áttina. Græna gönguljósið var enn grænt, en var við það að verða rautt og ákvað ég því að staðnæmast. Í því sé ég glæsilega unga konu á pinnahælum þeysast út á götuna á harðaspretti, ákveðin í því að komast yfir. Á miðri leið dettur farsíminn hennar upp úr hliðartöskunni og skellur á jörðinni. Áhorfendur á gangstéttarbrúninni tóku andköf og voru spennt að sjá viðbrögð stúlkunnar: Skildi hún snúa við og ná í hann. Það gerði hún, beygði sig niður og greip símann. En í því sem hún reisti sig upp skall á henni jeppi á fleygiferð og kastaðist hún tugi metra og féll niður örend. Jeppinn hélt áfram sína leið. 

Síðar um kvöldið sit ég með félaga mínum við öldrykkju og segi honum þessa sögu. Hans svar: Já, hún var óheppin að vera ekki hundur. Ég hváði. Hann útskýrði: Ég var einmitt staddur á gangstéttarbrún við svipaða breiðgötu fyrir ekki svo löngu. Þar var ung kona með hund. Í því sem það er að koma grænt ljós á umferðina, stekkur smáhundurinn úr fangi eiganda síns og þýtur af stað út á götuna. Bíll sem kom á mikilli ferð snarhemlaði, rakst utan í annan bíl og olli miklu umferðarslysi, en hundinn sakaði ekki. 

Ég hváði enn. Hann hélt áfram. Já, veistu hvað svona smáhundar kosta? Það er ekkert grín að keyra yfir þessi grey, maður þyrfti að borga mörg hundruð þúsund í skaðabætur. Það kostar hins vegar ekkert að keyra yfir manneskju sem þýtur yfir á rauðu ljósi.

 Þetta segir margt um hvað mannslífið er oft ódýrt í Kína þar sem offjölgun er gífurlegt vandamál. 

Því er mér óskiljanlegt hvernig íþróttafréttamönjum mbl.is fékk út þá niðurstöðu að Atlanta hefði unnið 11 leiki í röð. Þeir ættu kannski að fá sér sterkara kaffi á morgnana og lesa fréttirnar vandlega yfir áður en þeir birta þær á netinu. 

Og svona mun þetta halda áfram endalaust, reiðin, firringin og hatrið munu endanlega sigra hin upplýstu öfl sem reyna að stilla til friðar og vinna að framtíðarlausn fyrir alla málsaðila.

Svo er hitt annað mál, að ef til væri raunverulegur pólitískur vilji á Vesturlöndum til að leysa þessi mál, þá væri það hægt með tiltölulega skömmum tíma.

En hver er nýji skrifstofustjóri Obama? Tekið frá Wikipedia:

Political views

During his original 2002 campaign, Emanuel "indicated his support of President Bush's position on Iraq, but said he believed the president needed to better articulate his position to the American people".^[17] One of the major goals he spoke of during the race was "to help make health care affordable and available for all Americans".^[17]

Emanuel has maintained a 100 percent pro-choice voting record and is generally liberal on social issues^{[citation needed]}. He has aligned himself with the centrist wing of the Democratic Party, the Democratic Leadership Council.^{[citation needed]}

According to The Nation, Emanuel is "seen as a strong Israel partisan.”^[35] In June 2007, Emanuel condemned an outbreak of Palestinian violence in the Gaza Strip and criticized Arab countries for not applying the same kind of pressure on the Palestinians as they have on Israel. At a 2003 pro-Israel rally in Chicago, Emanuel told the marchers Israel was ready for peace but would not get there until Palestinians "turn away from the path of terror".

Þess má geta að í fyrra Persaflóastríðinu 2001 gekk Rahm í ísraelska herinn sem tímabundinn sjálfboðaliði.

Hvað ætli þetta þýði fyrir hlutverk Obama sem sáttasemjara í Heilaga landinu?

Vissi þó ekki að hann væri orðinn svona þunglyndur kallinn, en þó er það skiljanlegt víst að hann talar svona illa um Larry Bird, því þá hlýtur toppstykkið að hafa gefið sig (eins og stuðningsmenn NY Knicks voru  búnir að halda fram lengi síðasta vetur).

En á þessum nótum, þá spái ég að Boston taki þetta aftur í ár (eða næsta ár réttara sagt) og að þeir endurtaki leikinn, þ.e.a.s. að rassskella vælandi kellingarnar í LA Lakers. 

Orðræða þessara síðustu og verstu tíma er orðin svo súr og fyrirlitleg á köflum að merking orða er engin orðin. Stríð- Hryðjuverk-frelsi-jafnrétti-Guð-lýðræði-"collateral damage"- fórnarlömb hryðjuverka - óheppileg afleiðing vel heppnaðrar aðgerðar.

Nú erum við búin að opinbera þá staðreynd hér á Vesturlöndum að í okkar huga erum "við" Vestræna fólkið alvöru fólk á meðan "þeir", fólk í mið-austurlöndum eða annars staðar í Asíu eða S-Ameríku (og hvað þá Afríku) eru í okkar huga ekki alvöru fólk, þau myndu væntanlega deyja unnvörpum hvort eð er, þau myndu drepa hvort annað hvort eð er og það sem mestu skiptir: Þau bera sjálf enga virðingu fyrir mannslífi, ekki eins og við gerum!!

5000 manns deyja þegar turnarnir hrynja -  réttlætir 2 stríð þar sem ótaldir tugþúsundir hafa fallið og um ófyrirsjáanlega framtíð munum við minnast þessa dags þegar "heimurinn breyttist", minnast "góða, saklausa" fólksins sem féll þann dag. En heimurinn mun aldrei minnast fátæka, ómenntaða fólksins í Írak og Afganistan sem hefur fallið, því það er annars flokks. Það er bara "collateral damage", óheppileg hliðarverkun ferils sem mun leiða af sér hamingju og lýðræði. 

Og við sem héldum að hörmungar og hryllingur heimssyrjaldanna yðri aldrei endurtekinn né endurupplifaður. Ég hef sannanlega áhyggjur af því að ef heimskreppan verður jafn djúp og menn segja að bál ófriðar fari að loga á ný og þá óttast ég þær lægðir sem mannlegt framferði mun ná.

En ég hef alltaf verið þekktur fyrir að mála skrattann á vegginn. 

En auðvitað er kallinn ekki á svæðinu. Hann les blöðin og veit að Bandamenn og nýji Kjölturakkinn í Islamabad ætla að herða aðgerðir á þessu ákveðna svæði og er því vísast búin að hafa sig á brott, ef hann var þá nokkurn tímann þarna. Ef hann er yfirhöfuð á lífi. Ef það er ekki þegar búið að ná honum og það hefur "óvart" gleymst að segja frá því svo hægt væri að halda stríðinu gegn Hryðjuverkum áfram, eða eins og Borat orðaði það svo eftirminnilega: "Your war of Terror".

Bendi á þessa grein:

http://atimes.com/atimes/South_Asia/JI09Df01.html

Það er satt sem Gísli litli segir, bæði þingmenn og sveitastjórnarmenn hafa átt það til að taka sig upp og flytja til útlanda þrátt fyrir að vera kosin til þess að gegna ábyrgðarstöðum í þjóðfélaginu. Þessir einstaklingar þurfa bara að vera meða "lágmarksmætingu" á ákveðna fundi, þá eru þeir að gegna skyldu sinni. Slíkur hugsunarháttur er útaf fyrir sig torskilinn og sýnir einna best hvað íslenskir stjórnmálamenn eru óforskammaðir, en það er kannski ekki alfarið þeim einum að kenna, við hinir íslensku sauðir leyfum þeim alltaf að komast upp með þetta.

En akkúrat núna, á þessum tímapunkti þegar enn ein þvælustjórnin tekur við völdum í borginni, þá tekur Gísli sig upp og ætlar að læra borgarfræði (sem er vel, en ekki þegar maður á að vera með í því að stýra borginni) í Edinborg. Svo er hann kosinn annar varaforsteti borgarstjórnar svo að launin skerðist nú ekki of mikið. Já, mér er flökurt. Kjósum fjarverandi mann í þessa ábyrgðarstöðu.

Mér er slétt sama hvað flokki menn tilheyra, svona gerir maður bara ekki. Gísli litli, þú ættir að skammast þín og hafa þann manndóm til að bera að segja af þér. Þá geturðu lært þín borgarfræði í friði.